'ჩვენ უნდა შევასრულოთ ბატონი ბიძინა ივანიშვილის მესიჯი' [Video]

ორგანიზაციის პრეზენტაცია დღეს,19:00 საათზე, ახალციხის ცენტრალურ პარკში გაიმართა. ღია ცის ქვეშ გამართულ პრეზენტაციაზე მისულ ადგილობრივებს, ორგანიზაციის წევრებმა ორგანიზაციის შექმნის მიზანი და სამომავლო გეგმები გააცნეს.

„ჩვენ უნდა შევასრულოთ ბატონი ბიძინა ივანიშვილის მესიჯი, რომ გავააქტიუროთ სამოქალაქო საზოგადოება, დავუდგეთ მოსახლეობას გვერდში და ვაპოვნინოთ სამართალი. სამცხე-ჯავახეთის ყველა მუნიციპალიტეტში უნდა დავიცვათ ადამიანები და სამოქალაქო საზოგადოება გავააქტიუროთ“, - განაცხადა ორგანიზაციის თავმჯდომარემ ნოდარ კურტანიძემ.



არასამთავრობო ორგანიზაცია ექვსმა ადამიანმა დააფუძნა. ორგანიზაციის ოფისი ახალციხეში, რუსთაველის ქუჩაზე, მეხუთე საჯარო სკოლის მიმდებარე ტერიტორიაზე მდებარეობს.

„აღნიშნული ორგანიზაცია რეგიონში სამართლიანობის აღდგენას მოემსახურება. ამ ახალგაზრდებს არ მოსწონთ რეგიონში განვითარებული მოვლენები. ძალიან მდორედ მიმდინარეობს ყველაფერი, არჩევნებია ჩასატარებელი, როგორც საპრეზიდენტო, ასევე ადგილობრივი თვითმმართველობის და ამ ადამიანებს უნდათ, რომ ჩვენს რეგიონშიც ცოტა სხვანაირი მდგომარეობა იყოს“, - ამბობს იურისტი ნაირა სამსონიძე.

[თამარ თოთაძე, ახალციხე]