ოჯახმა, რომელშიც სამი შშმ პირი ცხოვრობს, სამწლიანი ლოდინის შემდეგ დახმარება მიიღო

„კმაყოფილი ვარ, რა თქმა უნდა. ჩემი ხარჯის გათვალისწინებით ეს თანხა საკმარისი არაა, თუმცა ძალიან შემეშველება,“ – ამბობს მაია ყიფშიძე.

მისი თქმით, მას გამოსაზამთრებლად ოთხი კუბური მეტრი შეშა ადიგენის მერიამ მიუტანა, თუმცა იმის გამო, რომ სახლში ორი ღუმელი უდგას, შეშის საყიდლად ვალის აღება მაინც მოუწია: „ბავშვების გამო ორი ღუმელი მიდგას, ამიტომ შეშა რომ მეყიდა სესხი ავიღე“.

ყიფშიძეების ოჯახი სოციალურ დახმარებას 210 ლარს ყოველ თვეში მიიღებს. მაია ყიფშიძე ფიქრობს, რომ ეს სესხის გადახდაში დაეხმარება.

[ავთო ინასარიძე, ახალციხე]