ბორჯომი საახალწლო ღონისძიებებისთვის, დაახლოებით, 200 000 ლარს ხარჯავს

ბორჯომის მუნიციპალიტეტის მერია ტენდერს სამ ნაწილად აცხადებს.

31 დეკემბრის ღამეს გასამართი ღონისძიებებისა და გალა კონცერტისთვის, რომელიც ფოიერვერკით დასრულდება, მერია ტენდერს 90, 255 ლარზე აცხადებს.

მანათობელი ირმების, თოვლის ბაბუებისა და ანგელოზების ფიგურების შესაძენად ~ტენდერში გამარჯვებულ კომპანიასთან ხელშეკრულება 16 950 ლარზე ფორმდება.

გასანათებელი მოწყობილობებისა და ნაძვისხისთვის ადგილობრივი ბიუჯეტიდან 84 340 ლარი დაიხარჯება.

შეგახსენებთ, რომ საახალწლო ღონისძიებებისათვის ტენდერი უკვე გამოაცხადა ახალციხის მერიამ. მუნიციპალიტეტი საახალწლოდ 45 000–მდე ლარს დახარჯავს.

ამ დროისთვის, სამცხე–ჯავახეთის სხვა მუნიციპალიტეტებს საახალწლო განათებებისა და ღონისძიებებისათვის ტენდერი არ გამოუცხადებიათ.

[ლუბა გიორგაძე, ბორჯომი]