ბორჯომში ავტოსაგზაო შემთხვევის შედეგად ორი პირი დაშავდა

პირველი არხის ფოტო

ავტოსაგზაო შემთხვევა ბორჯომის შესასვლელში დაახლოებით 18:00 საათზე მოხდა. ავარიის შედეგად მერსედესში მჯდომი ორი პირი დაშავდა. ისინი 1994 წელს არიან დაბადებულები.

„ერთს ბარძაყის ძვალი აქვს მოტეხილი, მეორეს მხოლოდ დაჟეჟილობები აღენიშნება. ამ ეტაპზე მეტს ვერაფერს გეტყვით, გამოკვლევები უტარდებათ, მათი მდგომარეობა დამაკმაყოფილებელია“, – აცხადებენ ბორჯომის სამედიცინო დაწესებულებაში.

საქართველოს შინაგან საქმეთა სამინისტრომ მომხდარზე გამოძიება სსკ-ის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

[თინათინ ზაზაძე, ბორჯომი]