აწყურში ავტოსაგზაო შემთხვევის შედეგად ერთი პირი დაშავდა

ავარია აწყურში დღეს, 16 მარტს საღამოს მოხდა. თვითმხილველების ინფორმაციით, მძღოლმა საჭე ვერ დაიმორჩილა და მანქანა ამოტრიალდა.

სასწრაფო სამედიცინო დახმარების ჯგუფს შემთხვევის ადგილზე ორი დაშავებული დახვდა, თუმცა ერთ–ერთმა მათგანმა კლინიკაში გადაყვანაზე უარი განაცხადა.

მეორე დაშავებული, შუახნის კაცი კლინიკა „იმედში“ გადაიყვანეს. როგორც სამედიცინო დაწესებულებაში განმარტავენ, მის სიცოცხლეს საფრთხე არ ემუქრება.

„ერთი დაშავებული შემოიყვანეს. გამოკვლევები უტარდება“, – ამბობენ კლინიკაში.

შინაგან საქმეთა სამინისტრომ მომხდარზე ძიება სსკ-ის 276–ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

[sknews.ge]