ბორჯომში ავტოავარიის შედეგად ერთი პირი დაშავდა

ავტოსაგზაო შემთხვევა ბორჯომის ცენტრში დაახლოებით 17:30 საათზე მოხდა, ერთმანეთს "მერსედესის" და "ბე–ემ–ვე–ს" მარკის ავტომობილები შეეჯახნენ.

"ჯეო ჰოსპიტალსის" სამედიცინო ცენტრის ხელმძღვანელის ირაკლი დიასამიძის განმარტებით, კლინიკაში ჯამში სამი პირი შეიყვანეს, ორი ქალი და ერთი ბავშვი. თუმცა სამიდან დაზიანება მხოლოდ ერთ–ერთ მათგანს ქონდა.

"ერთ ქალაბტონს გულ–მკერდის ზედაპირული დაჟეჟილობა აქვს. ნახევარ საათში გაეწერება ბინაზე", – განაცხადა სატელეფონო საუბარში ირაკლი დიასამიძემ.

შსს–ში აცხადებენ, რომ მომხდარზე გამოძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[თინათინ ზაზაძე, ბორჯომი]