ახალციხეში ავტოსაგზაო შემთხვევის შედაგად 20 წლის ბიჭი დაშავდა

როგორც თვითმხილველები ჰყვებიან მძღოლმა საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. ავტოსაგზაო შემთხვევა დაახლოებით 19:00 საათზე მოხდა.

"აღენიშნებოდა ზედაპირული დაზიანებები, დაშავებული კონტაქტური იყო", – განაცხადეს სასწრაფო სამედიცინო დახმარების სამსახურში.

დაშავებული ახალციხის რეფერალურ საავადმყოფოში გადაიყვანეს.

"გამოკვლევები უტარდება, ამ ეტაპზე მეტს ვერაფერს გეტყვით", – განაცხადეს სამედიცინო დაწესებულებაში.


20 წლის ბიჭი მანქანაში მარტო იმყოფებოდა.

საქართველოს შინაგან საქმეთა სამინისტრომ მომხდარზე გამოძიება სსკ-ის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

[თინათინ ზაზაძე, ახალციხე]