ახალციხეში ავარიის შედეგად ორი მამაკაცი მძიმედ დაშავდა

ავტოსაგზაო შემთხვევა დაახლოებით 20:00 საათზე მოხდა. თვითმმხილველების თქმით, მაღალი სისწრაფით მოძრავი „ნისან მიკრას“ მარკის ავტომობილი „ტოიოტა რაქტისს“ შეეჯახა. „ნისანში“ მსხდომი ორივე მამაკაცი დაშავდა, „ტოიოტაში“ მსხდომი ორი მამაკაცი კი უვნებლად გადარჩა.

„თბილისიდან მოვდიოდით, 'ტრასა' თავისუფალი იყო, საჭესთან ჩემი შვილი იჯდა, სწრაფად მოდიოდა, მოცურდა და შემოგვასდკა“, – ამბობს „ტოიოტაში“ მჯდომი ერთ–ერთი მამაკაცი.

დაშავებულები სასწრაფო–სამედიცინო დახმარების სამსახურმა საავადმყოფოში გადაიყვანა.დაშავებულების ჯანმრთელობის მდგომარეობა ამ დროისთვის უცნობია. ორივე მათგანი სამედიცინო დაწესებულებაში ახალი შეყვანილია.

შინაგან საქმეთა სამინისტროში აცხადებენ, რომ მომხდარზე ძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.





[თამუნა უჩიძე, ახალციხე]