რა გავლენას მოახდენს ახალქალაქის მოვლენები მეორე ტურზე – NGO-ების შეფასებები

სამცხე–ჯავახეთში მოქმედი არასამთავრობო ორგანიზაციების წარმომადგენლების ნაწილი ფიქრობს, რომ ახალქალაქში მომხდარი ამომრჩევლებს გააქტიურებს, ნაწილი კი პირიქით, ფიქრობს, რომ დააშინებს და არჩევნებზე მისვლას გადააფიქრებინებს.

„ასეთი ინციდენტები, რა თქმა უნდა, მოქმედებს მეორე ტურზე. ნაწილ ამომრჩეველს აშინებს და შეიძლება უბრალოდ აღარ წავიდეს არჩევნებზე, ნაწილს კი სიბრაზის გრძნობას უღვივებს და ამიტომ უნდობლობას უცხადებს არჩევნებს“, – ამბობს „სასოფლო საკონსულტაციო ცენტრის“დირექტორი გურამ ჯინჭველაძე.

მის პოზიციას იზიარებს ასოციაცია „ტოლერანტის“ თავმჯდომარე ცირა მესხიშვილი: „ახალქალქის ინციდენტი მხოლოდ მუნიციპალიტეტის ტერიტორიაზე იქონიებს ზეგავლენას, ალბათ ამომრჩევლებს დააშინებს. ძალიან ცუდია რაც მოხდა, ახლა მთავარია რომ დასაჯონ დამნაშავეები, ვინც არ უნდა იყოს ის, დეპუტატი თუ მისი ძმა. თუ არჩევნებამდე ასე გაგრძელდა ყველაფერი და პასუხისგებაში არავინ მისცეს, ეს მამრთველ გუნდის შედეგებზე კარგად არ აისახება“.

ახალქალაქში განვითარებული მოვლენები არ უკვირს „ახალციხის ახალგაზრდული ცენტრის“ დირექტორს მაკა სუდაძეს: „2016 წელმა ახალციხეში დაგვანახა, რომ მას შემდეგ რაც პირველი ტურში მარცხდება სამთავრობო პარტია, მეორე ტური ის უფრო ძალადობრივია. ეს იყო ვა-ბანკზე წასვლა და ხელისუფლებაში აბსოლუტურად ყველაფერს იკადრებენ, მაგრამ პრეზიდენტობის არცეთ კანდიდატს დასაკარგი არაფერი აქვს და ამიტომ მეორე ტური ბევრად ურო დაძაბული იქნება“.

არასამთავრობო ორგანიზაცია „დემოკრატ მესხთა კავშირის“ თავჯდომარის გია ანდღულაძის თქმით, ახალქალაქში განვითარებული მოვლენები ქვეყნის საერთაშორისო იმიჯს მნიშვნელოვნად შელახავს: „სახელმწიფომ აუცილებლად უნდა დასაჯოს დამნაშავეები. ეს უბრალო შემთხვა არაა, ამას აკვირდება საზოგადოებრივი ორგანიზაციები, ეუთოს წარმომადგენლები, ევროკავშირის წარმომადგენლები და ეს ყველაფერი თავისთავად აისახება არჩევნების საბოლოო შეფასებაზე. ამიტომ ჩვენ არ გვიონდა რეიტინგში კიდევ ჩამოვქვეითდეთ და გვითხრან, რომ არჩევნები არ ჩატარდა თავისუფალ გარემოში და ხალხმა ვერ გამოავლინა თავისუფდალი ნება. ამ ფაქტმა შესაძლოა პასიური ამომრჩეველი გამოაფხიზლოს, წინასწარ პროგნოზებზე საუბარი ძნელია“.

[თორნიკე ზაზაძე – ახალციხე]