ენზელ მკოიანის ძმა: დაპირისპირება ზურაბიშვილის პლაკატების ჩამოხევას მოჰყვა [Video]

ენზელ მკოანის ძმის მარტუნ მკოიანის თქმით, გუშინ 02:20 საათზე მის ოთხ ბენზინგასამართ სადგურზე „ნაციონალური მოძრაობის“ წარმომადგენლები მივიდნენ და სალომე ზურაბიშვილის პლაკატები ჩამოხიეს: „თან იგინებოდნენ ვინც ამას მისცეს ხმაო. ეს ჩვენმა ვიდეო თვალმა გადაიღო. მერე ეს ჩანაწერები ამოვიღეთ და მივიტანეთ „ნაციონალების“ ოფისში, გვინდოდა გვეჩვენებინა რაც გააკეთეს. რომ მივედით რაისიანს ვკითხე, ეს შენ გააკეთე–თქო და კიო მითხრა და დამარტყა. იმათმა ვინც ჩემთან ერთად იყვნენ, ეს რომ დაინახეს გაბრაზდნენ და რაისიანისკენ წავიდნენ. მერე უკვე ვინ ვის ურტყამდა აღარ ვიცი“.

მარტუნ მკოიანი ამბობს, რომ მას თან ახლდა ენზელ მკოიანის უფროსი შვილი კარუშიკ მკოიანიც.








„ნაციონალური მოძრაობის“ ახლაქალაქის რაიონული ორგანიზაციის ხელმძღვანელი აშოტ რაისიანი ამბობს, რომ მან ამ პლაკატების შესახებ არაფერი იცის.

შეგახსენებთ, რომ ენმ–ს ოფისზე თავდასხმა დღეს, 30 ოქტომბერს, დაახლოებით, 13:00 საათზე მოხდა. ენმ–ს რაიოული ორგანიზაციის ხელმძღვანელი აშოტ რაისიანი ამბობს, რომ მას და მის თანაგუნდელებს თავს, ახალქალაქსა და ნინოწმინდაში "ოცნების" დეპუტატი ენზელ მკოიანი და მისი ძმა დაესხნენ. შემთხვევის შედეგად ოთხი ადამიანი დაშავდა და ოთხივე მათგანი ახალქალაქის ცენტრალურ საავადმყოფოში გადაიყვანეს. მათ შორის ერთის მდგომარეობა მძიმეა და იგი ამ წუთებში თბილისში გადაჰყავთ. სამს კი, როგორც ექიმები აცხადებენ სახის დაზიანებები თავისა და სახის არეში აქვთ მიყენებული.

შინაგან საქმეთა სამინისტრო მომხდარს სსკი–ის 239 მუხლის მეორე და მესამე ნაწილით იძებს. რაც გულისხმობს წინასწარი შეთანხმებით ჯგუფის მიერ ჩადენილ ხულიგნობას, რა დროსაც გამოყენებული იყო ცეცხლსასროლი იარაღი, ან იარაღად სხვა საგანი.

[sknews.ge]