‘ამას ჰქვია ქურდული ოცნება’ – გრიგოლ ვაშაძე ახალქალაქში მომხდარზე [Video]

შეიარაღებული ბანდები ვიცოდით ორი ფარცხალაძის და სუბალიანის, აღმოჩნდა რომ არსებობს ენზელ მკოიანის შეიარაღებული ბანდაც. დარწმუნებული ვარ, რომ არსებობს ბევრი შეიარაღებული ბანდა. სამართალდამცავი ორგანოები რას აკეთებენ აბსოლუტურად გაუგებარია. სისხლის სამართლის საქმე არის აღძრულიო, რატომ არავინ არ არის დაკავებული, თქვენ გგონიათ სამართალდამცავებმა არ იციან ვინ არის დამნაშავე?!“ – კითხულობს ვაშაძე.

იგი შინაგან საქმეთა სამინისტროს საქმის სწრაფად გამოძიებისკენ მოუწოდებს: „კასპი, მარნეული და ახლა უკვე ახალქალაქი, ეს არის მესამე მძიმე შემთხვევა ორი დღის განმავლობაში. აუცილებლად გაგრძელდება ასეთი პროვოკაციები. ჯერ ერთი ცდილობენ ჩვენი წევრები და აქტივისტების დაშინებას, მეორეც აქვთ იმედი იმისი, რომ ჩვენ ჩავებმებით ამ პროვოკაციებში. ჩვენ არავითარ პროვოკაციებში არჩავებმებით, კიდევ ერთხელ ვთხოვ ჩვენს მხარდამჭერებს, გაერთიანებული ოპოზიციის ყველა პარტიის წევრს, წყნარად მშვიდად შევხვდეთ მომხდარს. ამას ქვია ქურდული ოცნება და მოქმედებენ მხოლოდ ქურდული მეთდებით. ჩვენ კანონდმებლობის დაცვით კონსტიტუციით მინიჭებული ყველა უფლებით, როგორც პირველ ტურში დავამარცხეთ, ისევ დავამარცხებთ მეორე ტურში“.

"ქართული ოცნების" წარმომადგენლები აცხადებენ, რომ დაპირისპირების მიზეზი, წინა ღამით, "ოცნების" დეპუტატის ენზელ მკოიანის ძმის ბენზინგასამართ სადგურებზე სალომე ზურაბიშვილის პლაკატების ჩამოხევა გახდა, რაც სათვალთვალო კამერებმა დააფიქსირა.

გრიგოლ ვაშაძემ ამას ზღაპარი უწოდა: "რაისიანი დადიოდა ბენზინგასამართ სადგურებზე და პლაკატებს ხევდა და ხალხს შეურაცხყოფას აყენებდა?! ამაზე კომენტარის გაკეთებაც არ მინდა, რა ზღაპრებს მელაპარაკებით?!



საავადმყოფოდან გრიგოლ ვაშაძე ახალქალაქში ენმ–ს რაიონული ორგანიზაციის ოფისში წავიდა. აქ მან შემთხვევის ადგილი დაათვალიერა და ამ წუთებში მხარდამჭერებთან შეხვედრას მართავს.

შეგახსენებთ, რომ ენმ–ს ოფისზე თავდასხმა დღეს, 30 ოქტომბერს, დაახლოებით, 13:00 საათზე მოხდა. ენმ–ს რაიოული ორგანიზაციის ხელმძღვანელი აშოტ რაისიანი ამბობს, რომ მას და მის თანაგუნდელებს თავს, ახალქალაქსა და ნინოწმინდაში "ოცნების" დეპუტატი ენზელ მკოიანი და მისი ძმა დაესხნენ. შემთხვევის შედეგად ოთხი ადამიანი დაშავდა და ოთხივე მათგანი ახალქალაქის ცენტრალურ საავადმყოფოში გადაიყვანეს. მათ შორის ერთის მდგომარეობა მძიმეა და იგი ამ წუთებში თბილისში გადაჰყავთ. სამს კი, როგორც ექიმები აცხადებენ სახის დაზიანებები თავისა და სახის არეში აქვთ მიყენებული.

შინაგან საქმეთა სამინისტრო მომხდარს სსკი–ის 239 მუხლის მეორე და მესამე ნაწილით იძებს. რაც გულისხმობს წინასწარი შეთანხმებით ჯგუფის მიერ ჩადენილ ხულიგნობას, რა დროსაც გამოყენებული იყო ცეცხლსასროლი იარაღი, ან იარაღად სხვა საგანი.

[sknews.ge]