ახალქალაქში ენმ–ს ოფისზე თავდასხმის ფაქტს შსს ხულიგნობის მუხლით იძიებს

დღეს, 30 ოქტომბერს, ახალქალაქში ენმ–ს ოფისზე თავდასხმას შინაგან საქმეთა სამინისტრო სსკი–ის 239 მუხლის მეორე და მესამე ნაწილით იძებს. რაც გულისხმობს წინასწარი შეთანხმებით ჯგუფის მიერ ჩადენილ ხულიგნობას, რა დროსაც გამოყენებული იყო ცეცხლსასროლი იარაღი, ან იარაღად სხვა საგანი.

ახალქალაქში "ნაციონალური მოძრაობის" შტაბის უფროსი აშოტ რაისიანი ამბობს, რომ მას ახალქალაქი–ნინოწმინდის მაჟორიტარი დეპუტატი ენზელ მკოანი ძმასთან ერთად ოფისში დაესხა თავს: "ხელკეტებით იყვნენ და გვცემეს".

შემთხვევის შემდეგ, საავადმყოფოში ოთხი დაშავებული გადაიყვანეს. სამედიცინო დაწესებულებაში ამბობენ, რომ ოთხივე მათგანს დაზიანებები თავის არეში ჰქონდა. მათ შესაბამისი პროცედურები ჩაუტარდათ და უკვე გაწერეს.



[sknews.ge]