'ენზელ მკოიანი თავს დაგვესხა და გვცემა' – ენმ–ს შტაბის უფროსი ახალქალაქში

შემთხვევა დღეს, 30 ოქტომბერს, დაახლოებით 13:00 საათზე მოხდა.

"ახლა საავადმყოფოში ვარ. ძალიან გვცემეს. საუბარი არ შემიძლია", – გვითხრა აშოტ რაისიანმა.

ენზელ მკოიანის მობილურ ტელეფონზე კი მისმა მძღოლმა გვიპასუხა: "მე მძღოლი ვარ, ბატონ ენზელს არ სცალია".

დაპირისპირების ფაქტს ადასტურებენ ახალქალაქში "ქართული ოცნების" ოფისში. როგორც შტაბის უფროსი ნაირი ირიციანი ამბობს, დაპირისპირება გუშინ, 29 ოქტომბერს "ნაციონალური მოძრაობის" წარმომადგენლების მიერ სალომე ზურაბიშვილის პლაკატების ჩამოხევის ფაქტს მოჰყავა: "ეს დააფიქსირა კამერამ. ამიტომ დაიძაბა ვითარება".

სხვა დეტალებზე ირიციანი არ საუბრობს.

ახალქალაქის მერი იური უნანიანი ამბობს, რომ მომხდარის შესახებ არაფერი იცის: "თქვენგან მესმის პირველად, გუშინ აქ იყო ენზელ მკოიანი, დღეს ვიცი, რომ თბილისში აპირებდა წასვლას".

ამ წუთებში ახალქალაქში "ნაციონალური მოძრაობის" ოფისში სამართალდამცველები მუშაობენ.

დაშავებულების რაოდენობისა და მდგომარეობის შესახებ ინფორმაციას საავამდყოფოდან ველოდებით.

"სამხრეთის კარიბჭე" დამატებითი დეტალების მოკლვევას ცდილობს.

[sknews.ge]