აშოტ რაისიანი: ‘45–მდე აქტივისტი დაგვესხა თავს, პარტიას აგინებდნენ’

აშოტ რაისინია ამბობს, რომ „ქართული ოცნების“ აქტივისტები ოფისში გინებით მიიჭრნენ, ამ დროს შენობაში „ნაციონალური მოძრაობის“ რვა წარმომადგენელი იმყოფებოდა, მათ შორის ექვსი სცემეს, ოთხს კი ისეთ დაზიანებები მიაყენეს, რომ საავადყოფოში გადაყვანა დასჭირდათ.

„მაგინებდნენ მე, პარტიას. მათ შორის ერთ–ერთი „ოცნების" დეპუტატის ენზელ მკოიანის ძმა მარტუნ მკოანი იყო“, – გვიყვება რაისინია.

როგორც მისი თანაგუნდელი სირაბიკ კაროიანი ამბობს, თავდამსხმელებს შორის იყო ენძელ მკოიანის უფროსი შვილი კარუშიკ მკოიანი: „ბევრი მანქანა და ხალხი იყო, მე რომ მივედი აშოტა ძირზე ეგდო სისხლიანი და ნაცემი“.

რა გახდა დაპირისპირების მიზეზი, ახალქალაში „ნაციონალური მოძრაობის“ წარმომადგენლები ამბობენ, რომ არ იციან.

ახალქალაქში „ქართული ოცნების“ რაიონული ორგანიზაციის ხელმძღვანელი ნაირი ირიციანი ამბობს, რომ დაპირისპირების მიზეზი წინა დღეს, ქალაქში ენმ–ს წევრების მიერ ზურაბიშვილის ჩამოხეული პლაკატები გახდა.

„მაგაზე არაფერი ვიცი, ეგეც რომ ყოფილიყო, ასეთი რამ უნდა მომხდარიყო?!" – კითხულობს აშოტ რაისიანი.

„ქართული ოცნების“ ოფისში მომხდარის დეტალებზე არ საუბრობენ: „უფროსი აქ არა არის, ჩვენ მის გარეშე ვერაფერს გეტყვით“, – გვითხრეს მმართელი გუნდის მხარდამჭერებმა.


ახალქალაქში, "ნაციონალური მოძრაობის" ოფისზე თავდასხმა დღეს, 30 ოქტომბერს, დაახლოებით 13:00 საათზე მოხდა. ენმ–ს რაიოული ორგანიზაციის ხელმძღვანელი აშოტ რაისიანი ამბობს, რომ მას და მის თანაგუნდელებს თავს, ახალქალაქსა და ნინოწმინდაში "ოცნების" დეპუტატი ენზელ მკოიანი და მისი ძმა დაესხნენ. შემთხვევის შედეგად ოთხი ადამიანი დაშავდა და ოთხივე მათგანი ახალქალაქის ცენტრალურ საავადმყოფოში გადაიყვანეს. მათ შორის ერთის მდგომარეობა მძიმეა და იგი ამ წუთებში თბილისში გადაჰყავთ. სამს კი, როგორც ექიმები აცხადებენ სახის დაზიანებები თავისა და სახის არეში აქვთ მიყენებული.

[sknews.ge]