ახალციხეში მოსწავლეებისთვის იმიტირებული არჩევნები გაიმართა

ახალციხის პირველი და მეექვსე სკოლების საკლასო ოთახებში საარჩევნო უბნები მოაწყვეს. მოსწავლეები მანამდე, პრეზიდენტობის ოთხი კანდიდატის საარჩევნო პროგრამას გაეცნენ და სასურველი არჩევანი კაბინებში დააფიქსირეს.

„გავეცანი ოთხი კანდიდატის პროგრამას და ავარჩიე ერთი. მისი დაპირებები რეალური იყო სხვებთან შედარებით“, – ამბობს მეთერთმეტე კლასის მოსწავლე ქრისტინე ჩილინგარაშვილი.

იმიტირებული არჩევნები სკოლებში „ახალციხის ახალგაზრდული ცენტრის“ ორგანიზებით ჩატარდა: „პრეზიდენტობის კანდიდატების პროგრამებიდან ისეთი საკითხები შევარჩიეთ, რომელიც ახალგარზდებს აინტერესებთ, განათლება, დასაქმება, ინტეგრაცია“, – ამბობს ახალციხის ახალგაზრდული ცენტრის ხელმძღვანელი მაკა სუდაძე და ამატებს, რომ კამპანიის მიზანი, მოსწავლეებში საარჩევნო ცნობიერების ამაღლებაა.

მსგავსი ტიპის იმიტირებული არჩევნები სამცხე–ჯავახეთის რვა სკოლაში გაიმართა.



აქცია „სიქა“, გერმანიის საგარეო საქმეთა ფედერალური სამინისტროს, ბერლინის განათლების , ახალგაზრდობისა და მეცნიერების დეპარტამენტის სენატისა და ქალაქ ბერლინის საქველმოქმედო ასოციაციის მხარდაჭერით ხორციელდება. პროგრამის „მეტი შეგვიძლიას“ სამცხე–ჯავახეთში არასამთავრობო ორგანიზაცია ახალციხის ახალგაზრდული ცენტრი ხელმძღვანელობს.

[მარიამ ბარძიმაძე, ახალციხე]