ახალციხის სკოლებში 368 პირველკლასელი მიიღეს [Photo]

ახალციხის საჯარო სკოლებში სასწავლო პროცესი 09:00 საათზე დაიწყო. ყველა პირველკლასელს მერხებზე ბუკები და წიგნები დახვდა.

ქალაქის შვიდივე სკოლაში მოსწავლეებს სასწვლო წლის დაწყება სამცხე–ჯავახეთის გუბერნიის, ახალციხის ადგილობრივი თვითმმართველობის, დეპუტატის ბიუროსა და საგანმანათლებლო რესურსცენტრის წარმომადგენლებმა მიულოცეს.

„გილოცავთ ყველას ერთად სასწავლო წლის დაწყებას. გისურვებთ, რომ ეს წელი იყოს წარმატებული. წელს ახალციხეში ბევრი წარმატებული კურსდამთავრებული გვყავდა. თითოეულ მოსწავლეს გთხოვთ თქვენი სწავლით ასახელოთ ახალციხე“, – მიმართა ახალციხის მერმა ზაზა მელიქიძემ მეხუთე საჯარო სკოლის ეზოში შეკრებილ მოსწავლეებს.

2018–2019 სასწავლო წელს ახალციხის პირველ სკოლაში – 107, მეორე სკოლაში – 31, მესამე სკოლაში – 45, მეთოხე სკოლაში –2, მეხუთე სკოლაში – 138, მეექვსე სკოლაში – 32, მეშვიდე სკოლაში – 1, კერძო სკოლაში – 12 პირველკლასელი მიიღეს.

მუნიციპალიტეტის მასშტაბით კი, ახალციხის საგანმანათლებლო რესურსცენტრის ინფორმაციით, 590–მდე პირველკლასელი დარეგისტრირდა.

დღეს, 17 სექტემბერს, სასწავლო პროცესი საქართველოს მასშტაბით ყველა საჯარო სკოლაში განახლდა.















[ლუბა გიორგაძე, ახალციხე]