არალის ხიდის მშენებლობა დროებით შეჩერებულია

ადიგენი–უდე–არლის საავტომობილო გზაზე, ხიდის მშენებლობა მაისში დაიწყო და ივლისის დასაწყისში შეჩერდა.

პროექტი საავტომობლო გზების დეპარტამენტს ეკუთვნის, სამშენებლო სამუშაოებს კი ტენდერში გამარჯვებული კომპანია "ჯორჯიან ბრიჯ ქონთრაქშენი" ახორციელებს.

საავტომობილო გზების დეპარტამენტში განმარტავენ, რომ სამშენებლო პროცესი მხოლოდ დროებით არის შეჩერებული – "ბეტონის საყრდენი კონსტრუქციაა ჩასხმული, დაახლოებით ერთ კვირაში გაშრება და სამუშაოებიც განახლდება".

ხიდის სამშენებლო სამუშაოებისათვის 1 737 131 ლარია გათვალისწინებული. სატენდერო დოკუმენტაციის მიხედვით, მშენებლობა წლის ბოლოს უნდა დასრულდეს.



[ნანა ინასარიძე, ადიგენი]