გოდერძის გზის მშენებლობა დაიწყო

ამ დროისთვის უღელტეხილზე მოსამზადებელი მიწის სამუშაოები მიმდინარეობს.

„ტექნიკა უკვე შეყვანილია და ასფალტის დაგებაც მალე დაიწყება“, – გვითხრეს საავტომობილო გზების დეპარტამენტში.

როგორც უწყებაში აცხადებენ, დღეს, 10 აპრილს სამშენებლო სამუშაოებს ინფრასტრუქტურის მინისტრი მაია ცქიტიშვილი დაათვალიერებს.
გზის სამშენებლო სამუშაოებს გოდერძის უღელტეხილზე საავტომობილო გზების დეპარტამენტის მიერ გამოცხადებულ ტენდერში გამარჯვებული კომპანია „ტოდინია“ ახორციელებს. სამუშაოები 2020 წელს უნდა დასრულდეს, რის შემდეგაც ახალციხე–ბათუმის გზის დაფარვა 1.5 საათით ნაკლებ დროში იქნება შესაძლებელი.

ხულო-ზარზმის მონაკვეთის სამშენებლო სამუშაოებს არაბეთის ეკონომიკური განვითარების ქუვეითის ფონდი (KFAED) აფინანსებს.

[ლუბა გიორგაძე, ადიგენი]