გოდერძის გზის სამშენებლო სამუშაოები გაზაფხულიდან დაიწყება

ტენდერში გამარჯვებული კომპანია გასული წლის შემოდგომით გამოვლინდა, თუმცა, როგორც საავტომობილო გზების დეპარტამენტში აცხადებენ, ამ დრომდე სამშენებლო სამუშაოები მკაცრი კლიმატური პირობების გამო ვერ დაიწყო: „აცივდა და მშენებლობა ვერ დაიწყეს. როგორც კი დათბება მუშაობას დაიწყებენ".

ტენდერში კომპანია „ტოდინიამ“ გაიმარჯვა. იგი სამშენებლო სამუშაოებს 2020 წელს დაასრულებს, რის შედეგადაც ახალციხე–ბათუმის გზის დაფარვა 1.5 საათით ნკალებ დროშ იქნება შესაძლებელი.

„გოდერძის გზა უფრო მიმზიდველს გახდის ტურისტებისთვის ამ ამ უღელტეხილზე მშენებარე სამთო-სათხილამურო კურორტს. ამავდროულად, უკეთესი გზა ხელს შეუწყობს ზემო აჭარისა და სამცხე-ჯავახეთის მოსახლეობის სოციალური და ეკონომიური მდგომარეობის გაუმჯობესებას“, – აცხადებენ საავტომობილო გზების დეპარტამენტში.

ხულო-ზარზმის მონაკვეთის სამშენებლო სამუშაოებს არაბეთის ეკონომიკური განვითარების ქუვეითის ფონდი (KFAED) აფინანსებს.

[ლუბა გიორგაძე, ადიგენი]