არალში ხიდის მშენებლობა განახლდა

ადიგენი–უდე–არლის საავტომობილო გზაზე მდებარე ხიდზე მშენებლები და მძიმე ტექნიკა მუშაობს.

სამშენებლო სამუშაოები აქ ივლისის შუა რიცხვებში შეჩერდა. მშენებელ კომპანიაში აცხადებდნენ, რომ მუშები ჩსხმული ბეტონის გაშრობას ელოდნენ.

როგორც საავტომობლო გზების დეპარტამენტში განმარტავენ, ტენდერში გამარჯვებული კომპანია „ჯორჯიან ბრიჯ ქონსთრაქშენია“ და თვენახევრიანი პაუზის შემდეგ, ხიდის მშენებლობას კვლავ ის აგრძელებს.

საავტომობილო გზების დეპარტამენტმა, მდინარე ოცხეზე გადასასვლელი ხიდის მშენებლობის შესახებ ტენდერი 12 მარტს გამოაცხადა.
სამშენებლო სამუშაოებისათვის 1 737 131 ლარია გათვალისწინებული. სატენდერო დოკუმენტაციის მიხედვით, მშენებლობა წლის ბოლოს უნდა დასრულდეს.

[თაკო ფეიქრიშვილი, ადიგენი]