სოფელ არალში ხიდის მშენებლობა ერთი თვეა შეჩერებულია

„არალში, რომ არ ვართ და არ ვმუშაობთ, ეგ იმას არ ნიშნავს, რომ არაფერს ვაკეთებეთ. ჩვენ აწყურში გავქვს ბაზა, სადაც სამშენებლო მასალებს ვამზადებთ. ხიდის მშენებლობისთვის რკინა–ალმატურის მოსამზადებელ სამუშაოებს აქ ვაწარმოებთ და არალში მუშაობას ერთ კვირაში დავიწყებთ“, – გვითხრეს ხიდის მშენებელ კომპანიაში, „ჯორჯიან ბრიჯ ქონთრაქშენში“.

ივლისში კი აცხადებდნენ, რომ მშენებლობის განახლებისთვის ხიდზე ბეტონის საყრდენი კედლების გაშრობას ელოდებოდნენ.

სოფელ არლის ხიდის მშენებლობას საავტომობილო გზების დეპარტამენტი ახორციელებს. აღნიშნული უწყების საზოგადოებასთან ურთიერთობის სამსახურის წარმომადგენელმა ტრასნპორტის რეფორმებისა და რეაბილიტაციის ცენტრში გადაგვამისამართა, აქ კი გვითხრეს, რომ მათ არალში მიმდინარე სამშენებლო სამუშაოები აღარ ეხებათ: "ზედამხედველობას ჩვენ აღარ ვახორციელებთ".

პროექტისთვის გაწერილი 1 737 131 ლარია. მშენებლობა წლის ბოლოს უნდა დასრულდეს.

[ნანა ინასარიძე, ადიგენი]