აბიტურიენტები ისტორიის გამოცდას აბარებენ

პირველ სესიაზე რეგისტრაცია 08:00 საათზე დაიწყო, რომელზეც ახალციხის საგამოცდო ცენტრში დარეგისტრირებული 179 აბიტურიენტიდან ხუთი არ გამოცხადდა. მეორე სესიაზე კი 165 აბიტურიენტიდან გამოცდას კვლავ ხუთი მათგანი დააკლდა.

"რთული არ იყო პირველი ვარიანტი, ანალიზის ნაწილში "დიდგორის ბრძოლა" შემხვდა. იურიდიულზე მინდა ვისწავლო ილიაში ან ჯავახიშვილში. ჩამონათვალში, პირველი ჯავახიშვილის იურიდიული ფაკულტეტი მიწერია", – ამბობს აბიტურიენტი ლიკა ლომიძე.

ისტორიის გამოცდა რთული არც ამირან გიგოლაშვილისთვის იყო – "გამოცდაზე თავიდან 29 ტესტი იყო და პასუხების გაცემა არ გამჭირვებია. პირველი ილიაუნის იურიდიული მიწერია, ჩემი პროფესიით დასაქმებას არასამთავრობო სექტორში ვაპირებ".

[ავთო ინასარიძე, ახალციხე]