"ნაციონალები" ბიძინა ივანიშვილის ახალციხეში ჩამოსვლას აპროტესტებენ

ამ წუთებში, მესხეთის თეატრის მიმდებარე ტერიტორიაზე ,,ნაციონალური მოძრაობის“ აქტივისტები იკრიბებიან. ისინი ბიძინა ივანიშვილის ახალციხეში ჩამოსვლას აპროტესტებენ.

,,ჩვენ ვაპროტესტებთ ბიძინა ივანიშვილის ჩამოსვლას, იმიტომ რომ ოთხი წლის განმავლობაში ახალციხეში არცერთი ინვესტორი არ ჩამოსულა. მნიშვნელოვანი პროექტის ახალციხის ციხის ავტორი კი ციხეში ზის“ – ამბობს ,,ერთიანი ნაციონალური მოძრაობის“ სამცხე–ჯავახეთის რეგიონული კოორდინატორი გელა დემეტრაძე.

„ერთიანი ნაციონალური მოძრაობის“ მხარდამჭერები ბიძინა ივანიშვილთან შეხვედრას ითხოვენ.

შეგახსენებთ, რომ დღს, 19 სექტემბერს, 12:00 საათზე ბიძინა ივანიშვილი სამცხე–ჯავახეთში მოქმედ მედიის საშუალებების წარმომადგენლებს შეხვდება.

მესხეთის სახელმწიფო თეატრის მიმდებარე ტერიტორიას სამართალდამცველები იცავენ.



[sknews.ge]