FM97.5 / LIVE

საბარგო სადგურის დასახლებაში გზის გადაკეტვით იმუქრებიან

მთავარისიახლე, ეკონომიკა 22.05.2018
ახალციხეში, საბარგო სადგურის დასახლებაში ადგილობრივები საკანალიზაციო სისტემის ცენტრალურ მილზე დაერთებას ითხოვენ.

საბარგო სადგურის დასახლებაში გზის გადაკეტვით იმუქრებიან

ახალციხეში, საბარგო სადგურზე მცხოვრებლები ამბობენ, რომ მშენებელმა კომპანიამ დასახლებაში მხოლოდ ცენტრალური მილები გაიყვანა და სამუშაოები ბოლომდე არ დაასრულა.
„რა აზრი აქვს, მილების ჩაყრით მოვალეობა მოიხადეს და წავიდნენ, ყველაფერი ისევ ზემოდან მოედინება, ეზოებამდე რომ მოგვიყვანონ ჩვენთვის საკმარისი იქნება“,–ამბობს საბარგო სადგურზე მცხოვრები ფიქრია ორმოცაძე.

მისი თქმით, საკანალიზაციო სისტემის დაქსელვა მანამდე უნდა მოხდეს, ვიდრე დასახლებაში გზის მოასფალტება დაიწყება:"ასფალტი, რომ დააგონ ხელახლა გადათხრა მოგვიწევს".

საბარგო სადგურზე ქუჩები ტენდერში გამარჯვებულმა კომპანია შპს „მესხეთავტოგზამ“ უნდა მოაასფალტოს. კომპანიის წარმომადგენელი აცხადებს, რომ მათი სამუშაოების დაწყება საკანალიზაციო სისტემის გაჭიანურებული მშენებლობის გამო გვიანდება.

„ამ გზის რეაბილიტაცია ივლისის ბოლომდე უნდა მოვასწროთ. ჩვენც ხელი გვეშლება“,–განუცხადა ადგილზე მისულ „სამხრეთის კარიბჭეს“ სამშენებლო კომპანია „მესხეთავტოგზის“ წარმომადგენელმა.

იმ შემთხვევაში თუ გზაზე ასფალტის დაგებამდე, საკანალიზაციო სისტემის პრობლემა არ მოგვარდება ადგილობრივები, ახალციხე–თბილისის ცენტრალური გზის გადაკეტვით იმუქრებიან.

„როგორც ჩანს, ნორმალური საუბარი არ ჭრის, ავდგებით და გზას გადავკეტავთ“,– ამბობს საბარგო სადგურზე მცხოვრები რაფიკ არზიანი.

ვინ დააერთებს, ცენტრალურ მილზე ადგილობრივების საკანალიზაციო სისტემას, ჯერ კიდევ უცნობია. როგორც „სამხრეთის კარიბჭეს“ , „საქართველოს გაერთიანებული წყალმომარაგების კომპანიაში“ განუცხადეს, ამ ეტაპზე ადგილობრივ თვითმმართველობასა და კომპანიას შორის მოლაპარაკებები მიმდინარეობს, თუ ვინ უნდა შეასრულოს სამუშაოები და ვისი დაფინანსებით.

საბარგო სადგურზე შეკრებილები, დღეს, 22 მაისს ახალციხის მერიის წარმომადგენლების მისვლასაც ითხოვდნენ, თუმცა დასახლებაში მცხოვრებლებს მხოლოდ საკრებულოს დეპუტატი გიორგი ბეროშვილი შეხვდა.

„უახლოეს მომავალში ადგილობრივებს მერიის თანამშრომლებს შევახვედრებთ და მოლაპარაკებებით გადაწყვეტილებასაც მივიღებთ“,–გვითხრა ბეროშვილმა.

შეგახსენებთ, რომ საბარგო სადგურზე საკანალიზაციო სისტემას „საქართველოს გაერთიანებული წყალმომარაგების კომპანიის“ მიერ გამოცხადებულ ტენდერში გამარჯვებული შპს „ვი–აი–პი“ აკეთებდა. კომპანიამ სამუშაოები გასული წლის სექტემბერში დაიწყო და აპრილში დაასრულა. სამუშაოებისთვის 894 849 ლარი დაიხარჯა. ამ თანხით მოეწყო 5.9 კმ. სიგრძის წყალარინების ქსელი.

საბარგო სადგურის დასახლებაში გზის გადაკეტვით იმუქრებიან

[ლუბა გიორგაძე, ახალციხე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

საბარგო სადგურზე საკანალიზაციო ქსელის მშენებლობა განახლდა
საბარგო სადგურზე გზის მოასფალტება იწყება
საბარგოზე საკანალიზაციო ქსელი გააკეთეს, თუმცა ფეკალიები ისევ გზაზე მოედინება
საბარგო სადგურზე საკანალიზაციო ქსელის მშენებლობა 6 სექტემბრიდან დაიწყება
საბარგო სადგურზე საკანალიზაციო ქსელის მშენებლობა დაიწყო
საბარგო სადგურზე  ცენტრალური გზის გადაკეტვით იმუქრებიან
ახალციხეში, საბარგო სადგურზე  გზის მშენებლობა დაიწყო