ახალციხისა და ასპინძის საავადმყოფოების საკითხი ისევ გაურკვეველია

ახალციხის საავადმყოფო
ამის შესახებ "სამხრეთის კარიბჭეს" საპარლამენტო უმცირესობის წევრმა, ახალციხის მუნიციპალიტეტის მაჟორიტარმა დეპუტატმა "ერთიანი ნაციონალური მოძრაობიდან", ვაჟა ჩიტაშვილმა განუცხადა.

„ვიცი, როგორი მდგომაროებაა ახალციხისა და ასპინძის საავადმყოფოში, თუმცა ეს პრობლემა გლობალურია და ჯერჯერობით არ შეცვლილა არაფერი“, - განაცხადა ჩიტაშვილმა.

შეგახსენებთ, რომ ”უნიმედი სამცხე” ახალციხის სამედიცინო დაწესებულებაში, 2012 წლის 1 სექტემბრის შემდეგ, მას შემდეგ რაც ის ”ალდაგი ბისიაის” შვილობილმა კომპანიამ, ”ჩემი ოჯახის კლინიკამ” შეისყიდა”, არაერთი პრობლემა გაჩნდა.

პრობლემებია ასპინძის საავადმყოფოშიც, რომელიც კომპანია ”ადითის” მფლობელობაშია. ახალციხის საავადმყოფოც და ასპინძისაც იმ 1550 საავადმყოფოს შორისაა, რომელთა საკითხსაც სამთავრობო კომისია სწავლობს.

ვაჟა ჩიტაშვილი ამბობს, რომ მსგავსი პორობლემა მხოლოდ სამცხე-ჯავახეთში არ არის.

„დაახლოებით ერთი თვის წინ ჯანდაცვის მინისტრთან დავით სერგეენკოსთან გვქონდა შეხვედრა და ზუსტად ეს სიტყვები თქვა, 1555 საავადმყოფოდან 1550 ასეთ დღეშიაო“,- ამბობს ჩიტაშვილი.

ასპინძის საავადმყოფო
[ნინო ზედგინიძე, ახალციხე]