ვაჟა ჩიტაშვილი: 'სამწუხაროა, რომ ამ ადგილის აღმდგენი ციხეშია'

ახალციხის ციხეში დამოუკიდებლობის დღისადმი მიძღვნილ ღონისძიებებს „ერთიანი ნაციონალური მოძრაობის“ წარმომადგენლები: საპარლამენტო უმცირესობის წევრი ვაჟა ჩიტაშვილი, ახალციხის მერობის კანდიდატი გელა დემეტრაძე და ახალციხის მუნიციპალიტეტის გამგებლობის კანდიდატი გოჩა გვარამაძე ესწრებიან.

ყველა მათგანი აცხადებს, რომ ღონისძიებები კარგად ორგანიზებულია, თუმცა, სამწუხარო ის ფაქტია, რომ ამ ყველაფერს ვერ ესწრება ყოფილი შსს და პრემიერ მინისტრი, ვანო მერაბიშვილი, რომლის ძალისხმევის შედეგია ახალციხეში რაბათის კომპლექსის აღდგენა.

„ყველაფერი ძალიან კაგრად არის გაკეთებული, თუმცა სამწუხაროა, რომ ამ ადგილის აღმდგენი, სადაც ასეთი კარგი ღონისძიებები მიმდინარეობს საპატიმროშია“,– განაცხადა ახალციხის მაჟორიტარმა დეპუტატმა ვაჟა ჩიტაშვილმა.



[sknews.ge]