სამთავრობო კომისიის მონიტორინგში ახალციხის საავადმყოფოც მოხვდა

ახალციხის მუნიციპალიტეტის მაჟორიტარი დეპუტატი ვაჟა ჩიტაშვილი ამბობს, რომ ჯანდაცვის მინისტრს ახალციხის სამედიცინო დაწესებულების შესახებ ესაუბრა და აცნობა, რომ საავადმყოფოში ფაქტობრივად გაუარესდა როგორც პაციენტის, ასევე მედ-პერსონალის მდგომარეობა. გაიზარდა გადასახადები და შემცირდა ხელფასები.

”კომიტეტის სხდომამდე მე მქონდა ამ თემაზე საუბარი ჯანდაცვის მინისტრის მოადგილესთან, რომელმაც ასეთი პასუხი გამცა: იმ სადაზღვევო კომპანიას, რომელიც ამ საავადმყოფოებს ფლობს, ეს დაწესებულებები კანონის დაცვით გადაეცა და ჩვენ საკუთრების წართმევისგან თავს შევიკავებთ, თუ რაიმე დარღვევა არ იქნება ხელშეკრულებაშიო, - ამბობს ვაჟა ჩიტაშვილი და ამატებს, რომ აღნიშნული პროცესი მარტივად არ გამოიყურება: მთლიანობაში უნდა იქნეს განხილული, თუ ექიმების უფლებები დაირღვა, სასამართლოს უნდა მიმართონ.უ საწყის მდგომარეობას დაუბრუნდება და ჯანდაცვის სამიანისტროს დაქვემდებარებაში გადავა ისევ, უკეთესი იქნება, ალბათ პერსონალიც კმაყოფილი დარჩება”.

როგორც ვაჟა ჩიტაშვილი ამბობს, ჯანდაცვის მინისტრმა განაცხადა, რომ მთელი საქართველოს მასშტაბით სამედიცინო დაწესებულებების საკითხის მოკვლევას სამთავრობო კომისია სავარაუდოდ მარტის ბოლოს დაამთავრებს.

[თამარ თოთაძე, ახალციხე]