სამცხე–ჯავახეთში ფერმერებს პროდუქტს უფასოდ შეუფუთავენ

ასოციაციაში თაფლის, ხილის, ბოსტნეულისა და ყველის მწარმოებელი კოოპერატივები და ფერმერები გაერთიანდებიან.

ხილ–ბოსტნეულის შემფუთავი სამი დანადგარი, რომლის საშუალებითაც ფერმერებს პროდუქტს შეუფუთავენ, საქართველოს გარემოს დაცვის და სოფლის მეურნეობის სამინისტროს სამცხე–ჯავახეთის სამმართველოს, იაპონიის განვითარების სააგენტოს მიერ გამოცხადებულ საგრანტო კონკურსში გამარჯვების შემდეგ გადაეცა.

ფერმერებს შეეძლებათ დანადგარების საშუალებით პროდუქტი გარეცხონ, შეფუთონ და დაათარიღონ.

„აუცილებელია, ჩვენს ფერმერებს უნარ–ჩვევა განვუვითაროთ, რათა თავიანთი ნაწარმი მარკეტინგულად გაალამაზონ“,–ამბობს საქართველოს გარემოსდაცვისა და სოფლის მეურნეობის სამინისტროს სამცხე–ჯავახეთის რეგიონის სამმართველოს უფროსი ნანა ზუბაშვილი.

აღნიშნული პროგრამა საქართველოს გარემოს დაცვის და სოფლის მეურნეობის სამინისტროს და იაპონიის განვითარების სააგენტოს( ჯაიკა) თანამშრომლობის ფარგლებში განხორციელდა.




[მარიამ ბარძიმაძე, ახალციხე]