სოფლის მეურნეობის სამინისტროს სამცხე–ჯავახეთის სამმართველოს ახალი უფროსი ჰყავს

მთავარი → პოლიტიკა 23.04.2015

სოფლის მეურნეობის სამინისტროს სამცხე–ჯავახეთის რეგიონული სამმართველოს უფროსი შეიცვალა. ამ თანამდებობაზე ზაზა ხუციშვილი ნანა ზუბაშვილმა შეცვალა.

სოფლის მეურნეობის სამინისტროს სამცხე–ჯავახეთის სამმართველოს ახალი უფროსი ჰყავს

სოფლის მეურნეობის სამინისტროს სამცხე–ჯავახეთის რეგიონული სამმართველოს ახალი უფროსი თანამდებობაზე 20 აპრილს დაინიშნა. ნანა ზუბაშვილი მანამდე სამცხე–ჯავახეთის რეგიონული განვითარების სააგენტოს ხელმძღვანელობდა.

მისი თქმით, აღნიშნულ პოზიციაზე კონკურსი იყო გამოცხადებული. აპლიკაციის შევსების შემდეგ გასაუბრება გაიარა და თანამდებობაზე დაინიშნა.

"მაქსიმალურად ვეცდები იმ პროგრამების გამტარი ვიყო, რასაც სოფლის მეურნეობის სამინისტრო ახორციელებს, ასევე ყველასთვის ხელმისაწვდომი უნდა იყოს ინფორმაცია, რომელც სოფლის მეურნეობის სამინისტროს სხვადსხვა სააგენტოებს ეხება", – ამბობს ნანა ზუბაშვილი.

სოფლის მეურნეობის სამინისტროს სამცხე–ჯავახეთის რეგიონული სამმართველოს ყოფილი უფროსი ზაზა ხუციშვილი აღნიშნულ პოსტზე ორი თვის განმავლობაში მოვალეობის შემსრულებლად მუშაობდა.

[თამარ თოთაძე, ახალციხე]