სამცხე–ჯავახეთში წარმატებული ფერმერები და კოოპერატივები გამოავლინეს

„შეფასების რთული ინდიკატორები გვქონდა. გარდა იმისა რომ თავიანთი პროდუქტი კარგად უნდა წარმოედგინათ, მთავარი კრიტერიუმი ცოდნა იყო, ანუ ყურადღებას ვაქცევდით იმას თუ რამდენად კარგად იცოდნენ ის დარგი, სადაც მუშაობენ“, – ამბობს სოფლის მეურნეობის სამინისტროს სამცხე–ჯავახეთის რეგიონული სამმართველოს უფროსი ნანა ზუბაშვილი.

წარმატებული ფერმერები და კოოპერატივები შეარჩია სამმართველოში სპეციალურად შექმნილმა კომისიამ, რომელიც თვეების განმავლობაში აკვირდებოდა მათ მუშაობას.

დღესვე სერთიფიკატები გადაეცა 37 ტრენერს. მათ მეკარტოფილეობისა და საკვებწარმოების დარგში ექვსთვიანი ტრენინგი გაიარეს.

„ეს ტრენერები არიან, როგორც სასოფლო–საკონსულტაციო სამსახურის წარმომადგენლები, ასევე ფერმერები და კოოპერატივების თანამშრომლები. ამ სერთიფიკატებით ისინი უკვე გახდნენ ოფიცილაური ტრენერები მეკარტოფილეობის და საკვებწარმოების დარგში“,–ამბობს ზუბაშვილი.



დღეს, 30 ივნისს, წმინდა შალვა ახალციხელის ხსენების დღეს, ახალციხის ციხეზე სოფლის მეურნეობის სამინისტროს სამცხე–ჯავახეთის რეგიონული სამმართველოს ორგანიზებით, მთელი დღის განმავლობაში სოფლის მეურნეობის პროდუქტების გამოფენა მიმდინარეობდა.

[ლუბა გიორგაძე, ახალციხე]