ახალციხის მუნიციპალიტეტის სოფლებში ნიადაგი უფასოდ გამოიკვლიეს

სპეციალისტებმა მიწის ანალიზი ნიადაგის მჟავიანობასა და სამ ძირითად საკვებ ელემენტზე -აზოტზე, ფოსფორსა და კალიუმზე აიღეს.

სოფლის მეურნეობის სამინისტროს სამცხე-ჯავახეთის რეგიონულ სამმართველოში ნიადაგის გამოკვლევა ყველასთვს უფასოა. როგორც სამმართველოში გვიხსნიან, ამ ჯგუფს თავიანთი ინიციატივით იმიტომ ესტუმრნენ, რომ მომართვიანობა დაბალი იყო.

"ნებისმიერ პირს შეუძლია გვთხოვოს და ჩვენ უფასოდ ჩავატარებთ ნიადაგის ლაბორატორიულ კვლევას“ – ამბობს სოფლის მეურნეობის სამინისტროს სამცხე-ჯავახეთის რეგიონული სამმართველოს სპეციალისტი ლია თედორაძე.

შეგახსენებთ, სამმართველოს მიწის ანალიზისთვის საჭირო მოწყობილობა USAID-მა გადასცა. ანალიზის პასუხი სამ დღეში ხდება ცნობილი. აგროკონსულტანტები ფერმერებს ურჩევენ ნიადაგის ანალიზი აუცილებლად ჩაატარონ, ეს მათ საშუალებას მისცემს განსაზღვრონ რა ტიპის სასუქები და მინერალებია შესატანი ნაკვეთში.



[sknews.ge]