რამდენი ადგილი დარჩა პირველკლასელებისთვის ახალციხის სკოლებში

ახალციხის 7 საჯარო და 1 კერძო სკოლაში, პირველ ეტაპზე 160 პირველკლასელი დარეგისტრირდა. პირველ ეტაპზე დარეგისტრირდნენ ისინი, ვისი და-ძმაც სწავლობს სკოლაში, რომლის მშობელიც სკოლის თანამშრომელია და რომლის ოჯახიდან ერთდროულად ორი ან მეტი ბავშვი შედის პირველ კლასში;

ამ ეტაპზე 502–დან 352 ადგილია თავისუფალი.

პირველკლასელთა რეგისტრაციის მეორე ეტაპი ხვალ, 4 მაისს, 09:00 საათზე დაიწყება და 25 მაისს დასრულდება.

გთავაზობთ სკოლების ჩამონათვალს განსაზღვრული და თავისუფალი ადგილების მიხედვით:

ქალაქ ახალციხის N1 საჯარო სკოლა – 150 ადგილი , დარჩენილია – 121;
ქალაქ ახალციხის N2 საჯარო სკოლა – 100 ადგილი, დარჩენილია 91;
ქალაქ ახალციხის N3 საჯარო სკოლა – 60 ადგილი, დარჩენილია 42;
ქალაქ ახალციხის N4 საჯარო სკოლა – 4 ადგილი, დარჩენილია 3;
ქალაქ ახალციხის N5 საჯარო სკოლა – 150 ადგილი, დარჩენილია 81;
ქალაქ ახალციხის N6 საჯარო სკოლა – 25 ადგილი, დარჩენილია 11;
ქალაქ ახალციხის N7 საჯარო სკოლა – 3 ადგილი, დარჩენილია 3;
კერძო სკოლა „მზექა“ – 10 ადგილი, დარჩენილია 0;

შეგახსენებთ, რომ პირველკლასელთა რეგისტრაცია სამ ეტაპად ხორციელდება. პირველი ეტაპი 4 აპრილიდან 18 აპრილამდე იყო, ხოლო მესამე ეტაპი 14 ივნისიდან – 30 ივნისის ჩათვლით გაგრძელდება.

მესამე ეტაპზე რეგისტრაცია განხორციელდება სკოლაში, II ეტაპის დასრულების შემდგომ გამოთავისუფლებულ ვაკანტურ ადგილებზე, მოსწავლის ჩასარიცხად აუცილებელი დოკუმენტაციის წარდგენის საფუძველზე.

ამ ბმულზე შეგიძლიათ გადაამოწმოთ რამდენი ადგილია დარჩენილი სასურველ სკოლაში.

[თინათინ ზაზაძე, ახალციხე]