რამდენი ლარით დაჯარიმდებით, თუ სიგარეტს იქ მოწევთ, სადაც აკრძალულია

იმ შემთხვევეში, თუ სიგარეტს იმ დაწესებულებაში მოწევთ, სადაც აკრძალულია, პირველად 50 ლარით დაჯარიმდებით, დაწესებულების ადმინისტრაცია კი 500 ლარით. განმეორების შემთხვევაში პირი 100 ლარით დაჯარიმდება, ხოლო დაწესებულება – 1 000–ით.

შინაგან საქმეთა სამინისტროს ინფორმაციით, თამბაქოს რეგულირების ვალდებულება და პასუხისმგებლობა საპატრულო პოლიციას დაეკისრა.

„მინდა სამოქალაქო საზოგადოებას ვთხოვო ამ საქმეში გვერდით დგომა, რადგან ეს ჩვენი ერთობლივი ამოცანაა. იმ შემთხვევაში, თუ მოქალაქეები ამ მიმართულებით დაგვეხმარებიან, ჩვენ უფრო მეტ დროს დავუთმობთ სხვა, ასევე, მნიშვნელოვანი საკითხების პრევენციას", - განაცხადა შინაგან საქმეთა მინისტრმა გიორგი გახარიამ.

თამბაქოს კანონის აღსრულებას 2000 პოლიციელი გააკონტროლებს



საგანმანათლებლო და სააღმზრდელო დაწესებულებების, ბიბლიოთეკების, 18-წლამდე ასაკის პირებისათვის განკუთვნილი დაწესებულებების შენობა-ნაგებობების ტერიტორიებზე; სამედიცინო და ფარმაცევტული დაწესებულებების შენობა-ნაგებობებში და მათ საკუთრებაში არსებულ ტერიტორიებზე; ბენზინგასამართი, გაზგასამართი და გაზგამანაწილებელი სადგურების, აგრეთვე იმ დაწესებულებათა შენობა-ნაგებობებში და მათ საკუთრებაში არსებულ ტერიტორიებზე, სადაც ცეცხლსაშიში ნივთიერებები ინახება. თამბაქოს მოწევა აკრძალული იქნება სტადიონზეც, რომელსაც ჰყავს ადმინისტრაცია. მოწევა აიკრძალა საზოგადოებრივ ტრანსპორტშიც გარდა ტაქსის და კატერისა.

[თინათინ ზაზაძე, ახალციხე]