შენობაში თამბაქოს მოწევისთვის ტოტალიზატორი და სათამაშოების მაღაზიის მეპატრონე დაჯარიმდა

ტოტალიზატორში თამბაქოს კონტროლის ალიანსის წარმომადგენლებმა თამბაქოს კვამლის სუნი დააფიქსირეს, ამავდროულად ჭიქაში თამბაქოს ნამწვიც აღმოაჩინეს. გარდა ამისა ნიშანი „მოწევა აკრძალულია“ თვალსაჩინო ადგილზე არ იყო განთავსებული.

500 ლარით დააჯარიმეს სათამაშოების მაღაზიის წარმომადგენელიც, ის თამბაქოს მაღაზიაში ეწეოდა.

„მონიტორინგის ფარგლებში ახალციხეში შევამოწმეთ რამდენიმე ობიქტი. ერთი გახლდათ ტოტალიზატორი, სადაც მწეველობის ფაქტი იყო დაფიქსირებული და მეორე ობიექტი სათამაშოების მაღაზია, რომლის წარმომადგნელიც მაღაზიაში ეწეოდა. ამ ფაქტებზე პოლიციამ მოახდინა რეაგირება“, – გვითხრა გირგი ბახტურიძემ, თამბაქოს კონტროლის ალიანსის ხელმძღვანელმა.

თამბაქოს კონტროლის ალიანსის წარმომადგენლები დღეს სასტუმრო „ტიფლისში“ სამასპინძლო ბიზნესის წარმომადგენლებს შეხვდნენ. ალიანსის წარმომადგენლებმა ადგილობრივებისგან მოისმინეს თუ რა პრობლემების წანაშე იყვნენ, ვიდრე კანონი ამოქმედდებოდა და როგორ შეიცვალა ვითარება ამ კუთხით.

შეგახსენებთ, ორმ პარლამენტმა "თამბაქოს კონტროლის შესახებ" კანონპროექტი პირველი მოსმენით მიიღო, რომლის თანახმადაც დახურულ შენობებში და საზოგადოებრივი თავშეყრის ადგილებში მოწევა 2018 წლის მაისიდან აიკრძალება. ასევე აიკრძალება თამბაქოს ყველა სახის რეკლამა და მისი რეალიზაცია თვალსაჩინო ადგილას.

წესების დარღვევის შემთხვევაში დაწესებულება დაჯარიმდება 500 ლარით, განმეორებისას კი 1000 ლარით.

[თორნიკე ზაზაძე, ახალციხე]