ახალციხეში გენოციდის 103–ე წლისთავს აღნიშნავენ [Photo/Video]

მსვლელობის მონაწილეები ჯერ რაბათის უბანში მდებარე გრიგოლ განმანათლებლის სახელობის სომხურ ეკლესიაში შეიკრიბნენ და გენოციდის დროს დაღუპულთა მოსახსენიებელი პარაკლისი გადაიხადეს, შემდეგ კი აბის დასახლებაში, გენოციდის მსხვერპლთა მემორიალისკენ დაიძრნენ.

ახალციხეში მცხოვრები ეთნიკურად სომეხი მოსახლეობა გენოციდს მსგავსი მსვლელობით 1987 წლიდან აღნიშნავს.





სომხების მასობრივი დეპორტაციის დაწყების თარიღად 1915 წლის 24 აპრილი მიიჩნევა, როდესაც ხელისუფლებამ 250–მდე სომეხი ეროვნების ინტელექტუალი და თემის ლიდერი ჯერ დააპატიმრა, შემდეგ კი სიკვდილით დასაჯა. სომხები, რომლებიც ოსმალთა იმპერიის არმიაში მსახურობდნენ, განაიარაღეს და დახოცეს, კონფისკაცია გაუკეთეს მათ ქონებასაც. პროცესი 1918 წლის სექტემბრამდე გაგრძელდა. სამი წლის განმავლობაში 1,5 მილიონზე მეტი ადამიანი დაიღუპა. გენოციდის დროს დაღუპულები სომხურმა ეკლესიამ 2015 წელს წმინდანად შერაცხა.








[თინათინ ზაზაძე, ახალციხე]