ფეხბურთში მუნიციპალიტეტის პირველობა ახალციხის გუნდმა მოიპოვა

შეხვედრა ახალციხეში, მიხეილ იაძის სახელობის სტადიონზე, დღეს, 19 აპრილს, გაიმართა. ახალციხის გუნდმა „მესხეთმა“, რომელშიც ვეტერანი ფეხბურთელები თამაშობენ, გამარჯვება ანგარიშით 3:1 მოიპოვა. შესაბამისად, ვალე მეორე ადგილზე გავიდა. მესამე ადგილი კი აწყურის საფეხბურთო გუნდმა დაიკავა.

გამარჯვებულ გუნდებს მედლები და სიგელები გადაეცათ.

„პირველ ადვილზე გასულ გუნდს 500, მეორეზე – 300, ხოლო მესამეზე ადგილზე გასულს 200 ლარი გადავეცით“,– ამბობს ახალციხის მუნიციპალიტეტის მერიის სპორტული პროგრამების უფროსი სპეციალისტი გელა ძამუნაშვილი.

ჩემპიონატი ახალციხის მუნიციპალიტეტის მერიის მხარდაჭერით გაიმართა.



[მარიამ ბარძიმაძე, ახალციხე]