ფეხბურთის ტურნირში პირველობა აწყურის გუნდმა მოიპოვა

ჩემპიონატი აგარის ცენტრალურ სტადიონზე გაიმართა. დიდი წინააღმდეგობის მიუხედავად აწყურის გუნდმა მუგარეთის გუნდი 2:1 დაამარცხა.
ფინალში გასულ გუნდებს სიგელები და ფეხბურთის ბურთები გადაეცათ, ხოლო თითოეული სპორტსმენი მედლით დაჯილდოვდა.

გარდა აღნიშნული საჩუქრებისა, ახალციხის მუნიციპალიტეტის გამგეობამ I ადგილზე გასული გუნდი 300 ლარით დაასაჩუქრა, ხოლო მეორე ადგილზე გასულ მუგარეთის გუნდს 200 ლარი გადასცა.

გამარჯვებული სპორტსმენები ახლა უკვე რეგიონის პირველობისათვის იბრძოლებენ, რომელსაც საქართველოს სამოყვარულო ფეხბურთის ასოციაცია ჩაატარებს.

შეგახსენებთ, რომ მუნიციპალიტეტის პირველობისათვის გამართულ ფეხბურთის ტურნირში მონაწილეობას სოფლების- ურავლის, პატარა პამაჯის, წყრუთის, მუგარეთის, აწყურის, წნისის, ვალის, საძელის და აგარის გუნდები იღებდნენ.

[sknews.ge]