ფრენბურთში მუნიციპალიტეტის პირველობა ახალციხის მერიის გუნდმა მოიპვა

ახალციხის მერიის გუნდმა მეორე საჯარო სკოლის გუნდს 25:22 მოუგო. ფინალური თამაში ახალციხის სასპორტო სკოლაში ჩატარდა.

„ფრენბურთის თამაშის დიდი გამოცდილება მაქვს, სკოლის მოსწავლე რომ ვიყავი იქიდან ვიცი და მიყვარს. ორი წელი გუბერნიის გუნდში ვთამაშობდი და ოთხი წელია მერიის გუნდში ვარ“,– ამბობს ახალციხის მუნიციპალიტეტის მერიის გუნდის კაპიტანი ლია ქებაძე.

მუნიციპალიტეტის პირველობისთვის ერთმანეთს 22 გუნდი ეჯიბრებოდა. მათ შორის მესამე–მეოთხე ადგილზე ერთმანეთს აწყურის საბავშვო ბაღისა და ანის საჯარო სკოლის გუნდები დაუპირისპირდნენ. მესამე ადგილზე ანის სკოლა გავიდა.

ახალციხის მუნიციპალიტეტის მერიიდან პირველ ადგილზე გასული გუნდი 300, მეორეზე – 200, ხოლო მესამეზე ადგილზე გასული გუნდი 100 ლარს მიიღებს.



[მარიამ ბარძიმაძე, ახალციხე]