მუნიციპალიტეტის პირველობაზე ფეხბურთში გამარჯვება აწყურის გუნდს ერგო

დღეს, 3 ივლისს, აწყურის ცენტრალურ სტადიონზე, ფეხბურთში მუნიციპალიტეტის პირველობაზე ფინალური და ნახევარ ფინალური შეხვედრები გაიმართა.

პირველობისათვის ერთმანეთს აწყურისა და წნისის გუნდები დაუპირისპირდნენ. გამარჯვებულის გამოსავლენად დამატებითი დროის დანიშვნა გახდა საჭირო, რომელიც კვლავ ფრედ დასრულდა, თამაშის ბედი პენალტებმა გადაწყვიტა. გამარჯვებული აწყურის გუნდი გახდა, ანგარიშით 7:6.

მესამე ადგილისათვის აგარისა და მინაძის გუნდები დაუპირისპირდნენ. ანგარიშით 2:1 გამარჯვება მინაძის გუნდმა მოიპოვა.

ახალციხის მუნიციპალიტეტის გამგეობისა და საკრებულოს პირველმა პირებმა, გამარჯვებულ გუნდებს წარმატებული ასპარეზობა მიულოცეს.

პირველი და მეორე ადგილის მფლობელი გუნდები თასებითა და სიგელებით, ხოლო მოთამაშეები სიგელებით, მედლებითა და ფასიანი საჩუქრებით დააჯილდოვეს. მესამე ადგილის მფლობელ გუნდს თასი და სიგელი, მოთამაშეებს კი, სიგელები და ფასიანი საჩუქრები გადაეცათ.

მუნიციპალიტეტის წარმომადგენლებმა და ფეხბურთის ფედერაციის პრეზიდენტმა, გელა მაისურაძემ სხვადასხვა ნომინაციებში გამარჯვებულები გამოავლინეს:
საუკეთესო თავდამსხმელი-იმედა დავითიანი, მინაძის გუნდიდან.
საუკეთეოს მცველი - გივი მურადაშვილი, აწყურის გუნდიდან.
ბომბარდირი - ზურა ბარძიმაძე, აწყურის გუნდიდან.
საუკეთესო მწვრთვნელი - დათო გოგოლაძე, წნისის გუნდიდან.
საუკეთსო მაყურებელი - ნუგზარ ბარძიმაძე, აწყურის მკვიდრი.
ყველაზე ახალგაზრდა ფეხბურთელი - თორნიკე რუსიშვილი, მინაძის გუნდიდან.
საუკეთესო მეკარე - ემზარ გოხაძე, აწყურის გუნდიდან.
ჩემპიონატის ორგანიზატორი - მაია სხირტლაძე.

ნომინაციებში გამარჯვებულებს ფასიანი საჩუქრები და სიგელები გადაეცათ.

ახალციხის მუნიციპალიტეტის გამგებელმა ზაზა მელიქიძემ, საკუთარი სახსრებით პირველი და მეორე ადგილის მფლობელი გუნდები 100-100 ლარით, ხოლო მესამე და მეოთხე ადგილის მფლობელი გუნდები კი 50 და 60 ლარით დაასაჩუქრა.
შეგახსენებთ , რომ ჩემპიონატი 29 ივნისს ახალციხის მუნიციპალიტეტის გამგეობის კულტურის სამსახურის ორგანიზებით დაიწყო, რომელშიც ტერიტორიული ორგანოების გუნდებთან ერთად მუნიციპალიტეტის თანამშრომელთა გუნდიც მონაწილეობდა.

[sknews.ge]