ახალციხის მუნიციპალიტეტის პირველობა ფეხბურთში სვირის გუნდს ერგო

მინი ფეხბურთში ფინალური შეხვედრები გუშინ, 6 ოქტომბერს, ქალაქ ვალის მინი სტადიონზე გაიმართა. მესამე ადგილისათვის ერთმანეთს ვალისა და ფერსის ადმინისტრაციული ერთეულების გუნდები შეხვდნენ. ანგარიშით 8:5, გამარჯვება ვალის გუნდმა მოიპოვა.

პირველი და მეორე ადგილებისთვის კი სვირისა და აწყურის ადმინისტრაციული ერთეულების გუნდები დაუპირისპირდნენ. დაძაბული თამაშის შედეგად, ანგარიშით 3:1, პირველი ადგილის მფლობელი სვირის გუნდი გახდა.

გამარჯვებული გუნდები ფასიანი საჩუქრებით, სიგელებითა და მედლებით დააჯილდოვეს.

შეგახსენებთ, რომ ჩემპიონატი 28 სექტემბერს დაიწყო.ტურნირი ახალციხის მუნიციპალიტეტის გამგეობის კულტურის სამსახურის ორგანიზებით ჩატარდა.

[sknews.ge]