ახალციხეში ფრენბურთის ჩემპიონატი დასრულდა

გამარჯვება საძელის გუნდმა მოიპოვა.

”ფინალი ძალიან ემოციური იყო. გამარჯვებულ გუნდს მომავალში წარმატებებს ვუსურვებთ”-ამბობს ახალციხის მუნიციპალიტეტის კულტურის, სპორტის, ძეგლთა დაცვისა და ახალგაზრდულ საქმეთა სამსახურის წამყვანი სპეციალისტი მაია სხირტლაძე.

სოფელ საძელის გუნდმა ფრემბურთის ჩემპიონატში მონაწილეობა რამდენჯერმე მიიღო, თუმცა გამარჯვება მხოლოდ დღეს მოიპოვა.
”ძლიერი მოწინააღმდეგე გუნდი გვყავდა, გაგვიჭირდა მოგება. ეს გამარჯვება ჩვენთვის პირველი იყო. შარშანწინ ნახევარფინალამდე მივედით.”- ამბობს სოფელ საძელის გუნდი წევრი მაგდასან ნახაპეტიანი.

პირველ და მეორე ადგილზე გასულ გუნდებს ფასიანი საჩუქრები და სიგელები გადაეცათ. მომავალში ანალოგიური სახის სპორტული ღონისძიებების ჩატარება ისევ იგეგმება.

”შემოდგომას ვაპირებთ, ქალთა ფრენბურთის, ჭადრაკის და კრივის ჩემპიონატის ჩატარებას“,- ამბობს სხირტლაძე.
ფრენბურთის ჩემპიონატი ახალციხის მუნიციპალიტეტის გამგეობის ორგანიზებით გაიმართა.

ახალციხეში ფრენბურთის ჩენპიონატი 17 ივნისს დაიწყო, სადაც მონაწილეობას რვა გუნდი იღებდა. გუნდები ძირითადად ახალციხის მუნიციპალიტეტის სოფლებიდან იყვნენ წარმოდგენილი.

[ნუკა სტეფნაძე, ახალციხე]