სკოლებისა და თემის მოწყობაზე მოსწავლეებმა პროექტები წარადგინეს

World Vision–მა „ახალგაზრდების განვითარებისა და ჩართულობის“ პროგრამის ფარგლებში, მცირე გრანტების კონკურსისათვის მომზადებული 14 პროექტის პრეზენტაცია, 31 მარტს სამცხე–ჯავახეთის სახელმწიფო უნივერსიტეტის სააქტო დარბაზში გამართა.

მცირე გრანტების კონკურსი თემაზე:„ახალგაზრდების მონაწილეობისა და ჩართულობის ხელშეწყობა დადებითი ცვლილებებისათვის სკოლასა და თემში“ მარტის დასაწყისში გამოცხადდა. სადაც ახალციხისა და ადიგენის სასკოლო კლუბების მოსწავლეებს, თავიანთი სკოლებისა და თემის კეთილმოწყობისათვის პროექტები უნა მოემზადებინათ.

მცირე გრანტების კონკურსის ფარგლებში მომზადებული პროექტები ძირითადად, სკოლის ეზოების, ბიბლიოთეკების, სააქტო დარბაზების, ასევე სასადილო ოთახების კეთილმოწყობას ეხებოდა.

როგორც კონკურსის ორგანიზატორები აცხადებენ, სამი საუკეთესო პროექტი გამოვლინდება და დაფინანსდება. მათ, მცირე გრანტების კონკურსის კომიტეტი შეარჩევს.კომიტეტი კი ახალციხისა და ადიგენის თვითმმართველობების, “დემოკრატ მესხთა კავშირის“,„ახალციხის ახალგაზრდული ცენტრის“, ასევე ახალციხისა და ადიგენის საგანმანათლებლო რესურსცენტრების წარმომადგენლებით დაკომპლექტდა.

კონკურსის ორგანიზატორების განმარტებით,ღონისძიების მიზანია ახალგაზრდებმა გამოხატონ საკუთარი, როგორც მოქალაქის პასუხისმგებლობა საზოგადოებისა და ქვეყნის წინაშე.


[sknews.ge]