აშშ-ის საელჩომ მცირე გრანტების პროგრამის კონკურსი გამოაცხადა

მსურველებს განაცხადის შეტანა 31 იანვრის 18:00 საათამდე შეუძლიათ. საგრანტო პროექტების მაქსიმალური ბიუჯეტი 50,000 აშშ დოლარს შეადგენს.

"ვესაუბრეთ პროგრამის შესახებ.მივეცით რეკომენდაციები თუ როგორ უნდა იქნეს შედგენილი წარმატებული პროექტი, რა უნდა გათვალისწინონ არასამთავრობო ორგანიზაციებმა და რა სტანდარტებით ვხელმძღვანელობთ ჩვენ როდესაც განვიხილავთ შემოსულ პროექტებს", – განაცხადა ამერიკის საელჩოს გრანტების პროგრამების მენეჯერმა სოფო ბზიშვილმა.

საგრანტო განაცხადის წარდგენა შეუძლიათ საქართველოში მოღვაწე არაკომერციულ, არასამთავრობო, მედია და საგანმანათლებლო ორგანიზაციებს, რომლებიც მხარს უჭერენ შემდეგ ინციატივებს: სამოქალაქო ჩართულობა, ანგარიშვალდებული და პასუხისმგებლიანი მმართველობა, ეკონომიკური ზრდა, კანონის უზენაესობა.

სამოქალაქო ჩართულობა (კრიტიკული აზროვნება და პრობლემების გადაჭრის უნარ-ჩვევების განვითარება ახალგაზრდებში; თანაბარი შესაძლებლობები და ქალთა ჩართულობის გაძლიერება; უმცირესობების სოციალური ინტეგრაცია; ლიდერობის განათლება; დემოკრატიული პრაქტიკისა და პრინციპების განვითარების ხელშეწყობა, ა.შ.)

ანგარიშვალდებული და პასუხისმგებლიანი მმართველობა (სტრატეგიული დაგეგმარება და კომუნიკაციები; სამოქალაქო ორგანიზაციების ინსტიტუციონალური გაძლიერება, ანტიკორუფციული კამპანიები, ტრენინგები, ა.შ.)

ეკონომიკური ზრდა (რეგულაცია და ბიზნესპრაქტიკა; მეწარმეობა; ტურიზმის განვითარება, ა.შ.)

დამოუკიდებელი მედიის განვითარება უფრო ინფორმირებული და ჩართული სამოქალაქო საზოგადოებისთვის (ჟურნალისტიკის ფაკულტეტების/მედია სკოლების გაძლიერება, მედია წიგნიერება და მედიის ადვოკატირება, მედიის გამჭვირვალობა, ონლაინ მედია; ჟურნალისტიკური ეთიკის ხელშეწყობა, ა.შ.)

კანონის უზენაესობა (კრიმინალური სამართლისა და საკანონმდებლო სააგენტოების პროფესიული განვითარება; საზოგადოების წვდომა გავრცელებულ სამართლებრივ საკითხებზე; საჯარო მომსახურეობის ხელშეწყობა საკანონდმებლო ინსტუტებსა და სააგენტოებში; კანონის
უზენაესობის დაცვასთან დაკავშირებული სხვა საკითხები).



[თინათინ ზაზაძე, ახალციხე]