აშშ–ს საელჩო მცირე გრანტების კონკურსს აცხადებს

კონკურსში მონაწილეობის მიღება შეუძლიათ საქართველოს არაკომერციულ, არასამთავრობო, საგანმანათლებლო და მედია ორგანიზაციებს.

დემოკრატიის კომისიის მცირე გრანტების პროგრამის ადმინისტრირებას ახორციელებს აშშ-ს საელჩოს საზოგადოებასთან ურთიერთობის განყოფილება, ელჩის მოადგილისა და განყოფილების ხელმძღვანელის თავმჯდომარეობით. კომისია გასცემს გრანტებს მაქსიმუმ 24,000 აშშ დოლარის ოდენობით შემდეგი მიმართულებით:

სამოქალაქო ჩართულობა (სამოქალაქო საზოგადოების ჩართვა გადაწყვეტილებების მიღების პროცესში; სამოქალაქო განათლებისა და ადვოკატირების ხელშეწყობა; კრიტიკული აზროვნებისა და პრობლემის გადაჭრის უნარ-ჩვევის განვითარება ახალგაზრდებში; ქალების, უმცირესობების, შეზღუდული შესაძლებლობების მქონე პირებისა და სხვა ჯგუფების უფლებების დაცვა და ლიდერის უნარ-ჩვევების გაღრმავება; დემოკრატიული პროცესების განვითარების ხელშეწყობა; სხვა)

საარჩევნო სისტემის ხელშეწყობა (ამომრჩეველთა მიუკერძოებელი განათლება; საზოგადოების ინფორმირებულობა საარჩევნო პროცესის შესახებ და აქტიური მონაწილეობის ხელშეწყობა; საარჩევნო პროცესის მონიტორინგი და დამკვირვებლების გადამზადება; სხვა)

გარემოს დაცვა (საზოგადოების ინფორმირება; გარემოს დაცვითი სათემო პროექტების ხელშეწყობა; ნარჩენების გადამუშავების წახალისება; სხვა)

მასმედიის განვითარება მეტად ინფორმირებული და აქტიური საზოგადოებისათვის (ადგილობრივი პროგრამების გამრავალფეროვნება; პროფესიული ზრდის ხელშეწყობა; მედიის გამჭვირვალობა და უფლებების ადვოკატირება; ჟურნალისტური ეთიკის ხელშეწყობა; სხვა)

პროექტები მიიღება 2016 წლის 25 იანვრის 18:00 სთ-მდე. პროექტების განხილვა გრძელდება პროექტის შემოტანიდან 3-6 თვემდე. კომისიის განხილვის შემდეგ სახელმწიფო დეპარტამენტი ვაშინგტონში იღებს დაფინანსების საბოლოო გადაწყვეტილებას.

საპროექტო განაცხადი (ერთი ამობეჭდილი ასლი, ინგლისურ ენაზე) შეგიძლიათ ჩააბაროთ აშშ-ს საელჩოს მისაღებში შემდეგ მისამართზე:
აშშ-ს საელჩო, საზოგადოებასთან ურთიერთობის განყოფილება, ჯორჯ ბალანჩინის ქ. 11, თბილისი 0131.

კონკურსში მონაწილეობის მსურველებმა ინგლისურ-ქართული და ინგლისურ-რუსული განაცხადის ფორმები შეგიძლიათ ჩამოტვირთოთ საელჩოს ვებ გვერდიდან: http://georgia.usembassy.gov/resources/demcom.html

კონსულტაციისათვის დაუკავშირდით პროგრამის კოორდინატორებს:
სოფიო გეგეჭკორს ტელ.: 2-277-601, gegechkoris@state.gov
ნინო გაგუას ტელ.: 2-277-628 gaguan@state.gov

[ნინო ნარიმანიშვილი, ახალციხე]