ახალციხის არასამთავრობოებს აშშ–ს საგრანტო კონკურსს გააცნობენ

აშშ–ს საგრანტო კონკურსის პრეზენტაცია ახალციხეში, 12.02.2014. ფოტო: "სამხრეთის კარიბჭეს" არქივიდან.

შეხვედრა პარასკევს, 18 დეკემბერს, ახალციხის დემოკრატიული ჩართულობის ცენტრში (მის.: მანველიშვილის ქ. N19)12:00 საათზე გაიმართება.

ადგილობრივ არასამთავრობო და მედია ორგანიზაციებს აშშ-ის საელჩოს საგრანტო პროგრამების კოორდინატორები სოფიო გეგეჭკორი და ნინო გაგუა, ასევე საგანმანათლებლო გაცვლითი პროგრამების კოორდინატორი გიორგი გაბუნია შეხვდებიან.

შეგახენებთ, აშშ-ის საელჩო აცხადებს დემოკრატიის კომისიის მცირე გრანტების პროგრამის კონკურსს 2015 წლისათვის. კონკურსში მონაწილეობის მიღება შეუძლიათ საქართველოს არასამთავრობო, საგანმანათლებლო და მედია ორგანიზაციებს. პროექტები მიიღება 2016 წლის 25 იანვრამდე.

დემოკრატიის კომისიის მცირე გრანტების პროგრამის ადმინისტრირებას ახორციელებს აშშ-ს საელჩოს საზოგადოებასთან ურთიერთობის განყოფილება, ელჩის მოადგილისა და განყოფილების ხელმძღვანელის თავმჯდომარეობით. კომისია გასცემს გრანტებს მაქსიმუმ 24,000 აშშ დოლარის ოდენობით.

იხილეთ დეტალური ინფორმაცია საგრანტო კონკურსის შესახებ.

[ნინო ნარიმანიშვილი, ახალციხე]