ავარიის შედეგად ორი ადამიანი დაიღუპა, სამი კი დაშავდა

სამი დაშავებული კი ”უნიმედი სამცხეს” ახალციხის სამედიცინო დაწესებულებაშია გადაყვანილი. ორ მათგანს მსუბუქი დაზიანებები აღენიშნება, მესამეს კი ღია მოტეხილობები აქვს, რომელიც ამ წუთებში თბილისში გადაჰყავთ.

”უნიმედი სამცხეს” ახალციხის სამედიცინო დაწესებულებაში ადიგენის სასწრაფო სამსახურმა სამი დაშავებული მამაკაცი მოიყვანა, რომელთაც ზოგადი ჭრილობები აღენიშნებათ. ერთ დაშავებულს კოჭ-წვივის ღია მოტეხილობა აქვს და თბილისში გადაგვყავს, მდგომარეობა სტაბილურია”, - ამბობს ”უნიმედი სამცხეს” ახალციხის სამედიცინო დაწესებულების მიმღები განყოფილების მორიგე ექიმი ნინო ჩიტაძე.

მისივე თქმით, ერთ მათგანს მსუბუქი დაჟეჟილობა, მეორეს კი ზედაპირული ჭრილობები აღენიშნებათ. მათ ბინაზე სავარაუდოდ ხვალ დილით გაწერენ.

ადიგენის სასწრაფო დამხამრების სამსახურში კომენტარს არ აკეთებენ, პირად საუბარში სასწრაფოს თანამშრომელმა გვითხრა, რომ ადიგენის სასწრაფო დახმარების სამსახურში გამოძახება 13:10 საათზე შევიდა: ”დაშავებულები უკვე მოჰყავდათ, გზაში შევხვდით. ერთი უკვე გარდაცვკლილი იყო, მეორე გზაში, სამ კილომეტრში ჩვენს მანქანაში გარდაიცვალა, მესამე ფეხი ჰქონდა მოტეხილი და ახალციხეში გადმოვიყვანეთ”.

ორი გარდაცვლილიდან ერთ-ერთი ახალციხის პროზექტურიდან უკვე გადაასვენეს, მეორე კი ამ დრომდე პროზექტურაშია.

როგორც ახლობლები ამბობენ, ავარია ადიგენის მუნიციპალიტეტის სოფელ უდის მთაში მოხდა. ავარია სატვირთო მანქანაში მჯდომ ადამიანებს შეემთხვათ.

[sknews.ge]