ახალციხეში ავარიამ სამი ადამიანის სიცოცხლე იმსხვერპლა

დაშავებული ქალბატონი სავარაუდოდ თბილისიდანაა. ამ დრომდე მისთვის საავადმყოფოში არავის მიუკითხებია.

–‘ ჩაუტარდა გადაუდებელი დახმარება, გამოკვლევები, ავადმყოფს აღენიშნება მარჯვენა მესამე და მეოთხე ნეკნის, ბოქვენის და საჯდომი ძვლის მოტეხილობები’,- განმარტავს სასწრაფო დახმარების მორიგე ექიმი, ამბულატორიული განყოფილების გამგე ნინო მანველიშვილი.

დაზარალებული ამ ეტაპისთვი ქირურგიულ ჩარევას არ საჭიროებს. მას ქირურგი კობა გრიგალაშვილი მკურნალობს.

ავტოსაგზაო შემთხვევა დღეს, 21 თებერვალს, დილით, დაახლოებით 09:00 საათზე, ახალქალაქი – ახალციხის გზატკეცილზე, ახალციხის შემოსასვლელში, სოფელ მინაძესთან მოხდა. ადგილზე მსუბუქი მანქანის, სავარაუდოდ, ტაქსის მძღოლი და ორი მგზავრი დაიღუპა. მიკროავტობუსის მგზავრებიდან არავინ დაშავებულა. 1960, 1963 და 1976 წელს დაბადებული სამივე მამაკაცი ახალქალაქის მკვიდრია. გარდაცვლილები პროზექტურიდან საცხოვრებელ სახლებში უკვე გადაასვენეს.

ახალციხის სასწრაფო სამედიცინო დახმარების სამსახურში ამბობენ, რომ სამივე მამაკაცი ადგილზე გარდაიცვალა. მძიმე იყო ქალბატონის მდგომარეობაც

-‘ ქალბატონს იქვე ჩავუტარეთ გადაუდებელი დახმარება და საავადმყოფოში, მიმღებ -ამბოლატორიულ განყოფილებაში გადავიყვანეთ’,-გვითხრა ნინო მანველიშვილმა.

[თინათინ ზაზაძე, ახალციხე]

პ.ს. დაშავებული ქალბატონის ვინაობა 'სამხრეთის კარიბჭეს' საავადმყოფოში არ გაუმხილეს. დაინტერესებულ პირებს ჩვენ შეგვიძლია მივაწოდოთ საავადმყოფოს ადმინისტრაციის კოორდინატები. დაინტერესებულ პირებს შეგიძლიათ დაგვიკავშირდეთ ტელეფონზე 593 926429