ავარია ადიგენში - ერთი გარდაცვლილი, სამი დაშავებული

ავტოსაგზაო შემთხვევა დაახლოებით 21:00 საათზე, სოფელ უნწასთან მოხდა. დაუდასტურებელი ინფორმაციით, დიდი სიჩქარით მომავალი მანქანის მძღოლმა საჭე ვერ დაიმორჩილა და ერთ-ერთი საცხოვრებელი სახლის ეზოში შევარდა.

ავტომობილში ერთი ოჯახის 3 წევრი და მათივე ახლობელი ქალბატონი ისხდნენ. საშუალო ასაკის ქალბატონი, მძღოლის დეიდა, ადგილზე გარდაიცვალა. მძღოლი, მისი მეუღლე და 12 წლამდე ასაკის შვილი კი სასწრაფო დახმარების სამსახურმა კლინიკა „იმედში“ გადაიყვანა. დაშავებულები ახალციხეში ცხოვრობენ.

სამი დაშავებულიდან, ერთი, ავტომობილის მძღოლი კატასტროფის მედიცინის ცენტრს ამ დროისთვის თბილისში გადაჰყავს. ორი დაშავებული კი კლინიკა „იმედში“ რჩება. ისინი რეანიმაციული განყოფილებიდან ქირურგიულ განყოფილებაში გადაიყვანეს.

[sknews.ge]