გაზით მოწამლული ერთი პაციენტი ამ დრომდე სტაციონარში რჩება

როგორც ’უნიმედი-სამცხე’ ახალციხის სამედიცინო დაწესებულებაში განგვიმარტეს, მსუბუქი ინტოქსიკაციის ნიშნები აღენიშნებოდა გარდაცვლილის მეუღლესაც. მის მდგომარეობას საფრთხე არ ემუქრება. იგი საავადმყოფოდან დღეს, დილით, 11:00 საათზე გაწერეს.

გუშინ გვიან ღამით მომხდარი უბედური შემთხვევის შესახებ ახალციხის სასწრაფო დახმარების სამსახურში შეტყობინება 112-დან, 22:45 საათზე შევიდა. შემთხვევის ადგილზე გასულ ბრიგადას ერთი გარდაცვლილი და ერთი გაზით მოწამლული დახვდა.

როგორც სასწრაფო დახმარების მორიგე ექიმი ეთერ ყულიჯანიშვილი ამბობს, ადგილზე მისულებს კარი შემტვრეული დახვდათ. მოწამლული აღმოჩნდა მესამე პიროვნებაც [გარდაცვლილის ცოლი], რომელიც იმ დროს სახლში არ იმყოფებოდა.

- „ორივე დაშავებული საავადმყოფოში გადავიყვანეთ“, - ამბობს ეთერი ყულიჯანიშვილი.

გარდაცვლილი პიროვნება პროზექტურაში გადაასვენეს.

- „სასწრაფომ შემოიყვანა გაზით მოწამლული ორი პაციენტი. ხოლო მესამე გარდაცვლილი გადაიყვანეს პროზექტურაში. ორი პაციენტიდან ერთი უკვე გაწერილია ბინაზე, რომელსაც ჩაუტარდა შესაბამისი მკურნალობა, მესამე პაციენტი ამ დრომდე საავადმყოფოში რჩება, რომელსაც შესაბამისი მკურნალობა უტარდება და მისი მდგომარეობა უკვე დამაკმაყოფილებელია“, - ამბობს ’უნიმედი სამცხეს’ მიმღებ-ამბულატორიული განყოფილების გამგე ნინო მანველიშვილი.

[თამარ თოთაძე, ახალციხე]