ომბუდსმენი მოუწოდებს სამართალდამცავებს დროულად გამოიძიონ ვალეში კათოლიკური რელიკვიების დაწვის ფაქტი

12 მარტს სოფელ ვალეში მომხდარზე დღეს 14 მარტს, საქართველოს სახალხო დამცველმა ოფიციალური განცხადება გაავრცელა. სახალხო დამცველის განცხადებით, ძალიან მინიშვნელოვანი ის, რომ შინაგან საქმეთა სამინისტრომ მომხდარზე დროულად დაიწყო გამოძიება.

შეგახსენებთ, ვალეში მომხდარს სამართალდამცველები რელიგიური საქმიანობისთვის ხელისშეშლის, სისხლის სამართლის კოდექსის 166-ე მუხლით იძიებენ.

სახალხო დამცველი მოუწოდებს სამართალდამცავ ორგანოებს, ეფექტურად წარმართოს და დროულად დაასრულოს საქმის გამოძიება. ასევე რეგულარულად აწარმოოს საზოგადოების ინფორმირება გამოძიების მიმდინარეობის შესახებ, რათა არ დარჩეს პასუხგაუცემელი კითხვები.

"სამწუხაროდ არაერთი შემთხვევა ყოფილა რელიგიურ ნაგებობაზე თავდასხმისა და შეურაცხყოფის. მსგავს ფაქტებს განსაკუთრებით, ადგილი აქვს უმცირესობების წინააღმდეგ. სახალხო დამცველი არ დაიშურებს ძალისხმევას, რომ საქართველოში რელიგიის თავისუფლებისა და ტოლერანტობის პრინციპები იყოს დაცული", – ნათქვამია სახალხო დამცველის განცხადებაში.

შეგახსენებთ,
სოფელ ვალეში, წმინდა ნინოს სამლოცველოს გვერდით, 12 მარტს, საღამოს, კათოლიკური ხატები და წიგნები დაწვეს. სოფელში 600–მდე კომლი ცხოვორობს. მათი ნაწილი კათოლიკეა, ნაწილი კი მართლმადიდებელი. ვალეში არის როგორც მართლმადიდებლური, ასევე კათოლიკური მოქმედი ტაძრები. სალოცავი, სადაც შემთხვევა მოხდა, რომელიმე ეპარქიის დაქვემდებარებაში არ არის. ამ სალოცავში ადგილობრივების მიერ მიტანილი რელიგიური სიწმინდეებია, როგორც კათოლიკური, ასევე მართლმადიდებლური. სალოცავში ორივე კონფესიის წარმომადგენლები დადიან.

ადგილობრივები აცხადებენ, რომ სოფელში რელიგიურ ნიადაგზე დაპირისპირება არასდროს ყოფილა და არც ეს სალოცავი გამხდარა როდესმე სადავო.



► ვალეს სალოცავში კათოლიკური ხატები და ლოცვის წიგნები დაწვეს

► ვალეში კათოლიკური რელიკვიების დაწვის ფაქტზე შსს–მ ძიება დაიწყო

► მიტროპოლიტი თეოდორე ვალეში მომხდარზე: ‘ეს ეკლესიის შეურაცხყოფაა’

► ვალეში კათოლიკური რელიკვიების დაწვის ფაქტს ომბუდსმენი შეისწავლის

► ეპისკოპოსი ჯუზეპე პაზოტო: ‘ვალეში მომხდარს ვერავის დავაბრალებთ’

► NGO-ები: 'შესაძლოა ვალეში მომხდარი სიძულვილით მოტივირებული დანაშაული იყოს'

► გამოკითხვა: რას უკავშირებთ ვალეში კათოლიკური რელიკვიების დაწვას [Video]


[ნინო ნარიმანიშვილი, ახალციხე]